A keni dëgjuar ndonjëherë dikë duke përdorur fraza si “Unë jam vetëm Apple User” ose “Unë Window-sin s’e ndërroj kurrë”? Përdorimi i këtyre frazave dëshmon se këto brende e kanë integruar emrin e tyre në jetën tonë të përditshme deri në atë pikë sa ne kemi besnikëri aq të lartë sa të refuzojmë të perdorim produktet e brendit konkurrues.

Ky është një nga efektet më të mëdha që mund të ketë zhvillimi i shkëlqyeshëm i Brand Awareness.

Por, çka është Brand Awareness?

Për të kuptuar se si mund të krijojmë besnikëri të tillë (paksa të verbër) nga konsumatorët, duhet së pari të kuptojmë se çka është Brand Awareness. 

Versioni i shkurtër: Brand Awareness i referohet ose reprezenton se sa e familjarizuar është audienca me brendin.

Pra, sa më i madh të jetë Brand Awareness, aq më shumë rritet audienca që njeh logon, produktet/shërbimet apo mesazhin e kompanisë. Dhe rrjedhimisht, shitja.

Brand Awareness është një term shumë i gjerë, gjë që e bën të pamundur të matet me metrika apo njësi të qarta, por kjo nuk do të thotë se nuk ka rëndësi të madhe. Brand Awareness mban vlerë shumë të lartë për suksesin e një brendi sepse:

 

Brand Awareness formon besim

Në një shoqëri ku 94% e konsumatorëve mbështesin vendimet për të blerë diçka në opinionin e rrethit apo edhe të panjohurve mbi çdo formë tjetër të marketingut, besimi i konsumatorit duhet të jetë fokusi më i lartë i një brendi. Në momentin që një konsumator i beson brendit, ai ka më shumë gjasa të bëj blerje të përsëritura, pa menduar të lexoj reviews apo të marrë opinion të dytë, gjë që e krijon urën lidhëse në mes të besimit dhe besnikërisë.

 

Brand Awareness ndërlidh brendin me jetën e konsumatorit

Nëse keni pasur ndonjëherë lëndim të vogël te lëkurës duke luajtur si fëmijë apo duke lexuar, keni përdorur fashë për ta mbajtur plagën të pastër. Me shumë gjasë atë fashë e keni quajtur diçka si “Hansaplast”.

Hansaplast është një kompani gjermane e cila, mes të tjerash, krijon fasha të lëndimeve të tilla sipërfaqësore. 

Fasha të cilën e keni përdorur mund të mos ketë qenë e këtij brendi, por ju e keni quajtur Hansaplast gjithsesi. Pse?

Ky është efekti i Brand Awareness. Ndërlidhja e produkteve me brende të veçanta duke na inkurajuar në mënyrë të pandërgjegjshme të zëvendësojmë fjalët e zakonshme me terma të brendit. Dhe pa e kuptuar, prerjet e thjeshta nga letra ose lëndimet e tjera bëhen metoda të fshehura të marketingut.

 

Brand Awareness formon Brand Equity

Brand Equity është kombinimi i përceptimit të klientit, eksperiencës dhe opinionit për kompaninë tuaj. 

Nëse keni vendosur ndonjëherë të mos blini nga një kompani specifike bazuar në një review, apo nga opinioni i miqve tuaj, ju keni parë ekuitet negativ të brendit. Ekuiteti negativ i brendit mund të rezultojë nga shërbimi i dobët ndaj klientit, mungesa e transparencës ose çmimi i pasaktë.

Mendoni për një produkt apo shërbim për të cilin nuk e keni problem të shpenzoni disa para shtesë për ta blere sepse e dini se do të ndaheni të kënaqur. Sipas jush, ai brend ka ekuitet pozitiv të brendit, rrjedhimisht ekuiteti pozitiv justifikon çmime më të larta.

Si ta ndërtojmë Brand Awareness?

Tani që jemi në dijeni se pse Brand Awareness është jashtëzakonisht i vlefshëm për brendin, si mund ta zhvillojmë atë për brendin tonë?

Brand Awareness nuk rritet brenda natës, apo vetëm me një kampanjë marketingu. 

Brand Awareness i fortë krijohet si rezultat i përpjekjeve të shumta gjatë një intervali të caktuar kohor, të cilat shtrihen përtej realizimit të disa shitjeve më shumë.

Nëse mundoheni të rrisim Brand Awareness duke i lëshuar vetëm disa reklama produktesh në Facebook, atëherë jo vetëm që konsumatori do të fokusohet tek produkti (jo te brendi), por reklamës do t’i mungojë edhe ndikimi përtej një shitjeje të thjeshtë.

Këtu janë disa mënyra për të krijuar një bazë fortë të Brand Awareness dhe për të bërë një ndikim të qëndrueshëm me audiencën tuaj:

• Të qenurit person, jo kompani.

Për të lënë një ndikim mbi audiencën tuaj, ju duhet ta përcaktoni veten si më shumë se një kompani që shet diçka. Si do ta përkufizonit veten ndryshe? Çfarë fjalësh do të përdornit nëse do t’ju duhej t’i prezantonit markën tuaj një miku të ri?

Këto janë pyetjet të cilat iu duhet përgjigjur në mënyrë që t’i jepni kompanisë tuaj personalitet.

• Socializimi.

Introvertë apo ekstrovertë, të gjallë apo të qetë, të gjithë njerëzit përfitojnë nga socializimi dhe kalimi i kohës me njëri-tjetrin. Në këtë mënyrë qëndrojmë të lidhur, mësojmë gjëra të reja dhe bëhemi të njohur nga të tjerët.

E njëjta vlen edhe për brendin tuaj. Postoni në rrjete sociale për gjëra që nuk kanë lidhje me produktin ose shërbimet tuaja. Ndërveproni me audiencën tuaj duke bërë pyetje, duke komentuar në postime ose duke retweet ose shpërndarë postime që ju pëlqejnë. Trajtoni rrjetet tuaja sociale sikur të ishit një person që përpiqet të bëjë miq, jo një biznes që përpiqet të fitojë para.

• Storytelling.

Storytelling është një taktikë marketingu tepër e fuqishme, pavarësisht nëse është marketing i produkteve ose i brendit tuaj. Pse? Krijimi i një narrative rreth markës suaj e humanizon atë dhe i jep asaj thellësi përtej shitjeve. Gërshetimi i kësaj narrative në strategjitë tuaja të marketingut promovon brendin tuaj së bashku me produktet ose shërbimet tuaja si një njësi.

Po ashtu, njerëzit pëlqejnë të dëgjojnë histori për njëri-tjetrin. Duke treguar një narrative të thjeshtë si historinë tuaj të suksesit, ju rritni autenticitetin tuaj si brend. Autenticiteti ka ndikim të madh dhe mund të çojë në një rritje të madhe në Brand Awareness.

• Bëjeni të lehtë shpërndarjen online.

Word-of mouth Marketing është mënyra më efektive për të krijuar besim dhe familjaritet mes klientëve dhe brendit.

  

Nëse dikush sheh që një mik ose anëtar i familjes ka shpërndarë një produkt ose shërbim, ai do të marrë parasysh atë produkt (dhe brendin). A ia vlen te eksplorohet ky brend? A kanë produkte të tjera ku mund të mbështetem? Cilat janë rrjetet e tyre sociale dhe për çfarë flasin? 

Nëse e bëni më të lehtë postimin në lidhje me përmbajtjet tuaja, konsumatorët do të rrisin Brand Awareness për ju duke klikuar “Share”. 

Kështu që, cilado qoftë industria juaj, oferta e produktit ose strategjitë e marketingut, lehtësoni punën tuaj duke e lënë audiencën tuaj ta ndajë kontentin tuaj. Ky kontent mund të jetë postime në blog, evente të sponsorizuara, video, ose postime në rrjete sociale. 

Nuk ka rëndësi se çfarë është, për sa kohë që është “shareable”.

 

Shembuj të Brand Awareness

• Apple Event

Të gjithë njohim kompani të cilat herë pas here lëshojnë features dhe teknologji të reja të produkteve të tyre elektronike për t’i mbajtur ato up-to-date. Por, asnjë nuk i afrohet nivelit të popullaritetit të Apple. Njëra nga arsyet është sepse Apple rregullisht mban evente të tëra të dedikuara vetëm për publikimet e tyre të reja.

Edhe pse shpesh këto publikime janë minimale, Apple çdo herë i jep “hype” eventeve te tilla aq sa ne automatikisht e dimë se duhet të jemi gati për lëshimet e reja. Kjo e mban këtë brend në vend të parë të konsiderimeve tona kur ne shqyrtojmë blerjen e ndonjë pajisjeje të re.

• Coca-Cola Share a Coke

Coca-Cola nuk ka nevojë për më shumë Brand Awareness sepse e ka ndërtuar atë në mënyrë kaq efektive me kalimin e kohës sa që ka arritur një status ikonik. 

Një shembull fantastik i rritjes së Brand Awareness është kampanja e tyre “Share a Coke”, ku mund të gjeni një shishe Coca-Cola me emrin tuaj në dyqan. Ose ta personalizoni një me një frazë.

Rezultati i kësaj kampanje vetëm në SHBA ishte se 1.25 milionë me shumë adoleshentë provuan një Coca-Cola gjatë verës së ardhshme dhe shitjet e paketave te Coca-Cola u rriten për 11%.

Cilat teknika iu lanë më shumë përshtypje?

Brand Awareness është një koncept i fuqishëm që mund të ketë një ndikim të madh në strategjitë tuaja të marketingut, përceptimin e konsumatorit dhe të ardhurat.

Ndiqni këto teknika për krijimin dhe ndërtimin e Brand Awareness për brendin tuaj dhe do të gjeni veten me një audiencë besnike që e njeh brendin tuaj midis konkurrentëve, zgjedh produktet tuaja dhe rekomandon brendin tuaj tek miqtë dhe familja e tyre.